دوێنێ شەو هێزەکانی داگیرکەری سەهیۆنی خانوویێکیان لە کەرتی ڕۆژئاوای داگیرکراو گەماڕۆ دایەوە و لە ئەنجامی تەقەی داگیرکەران گەنجێک شەهید بوو.

مانگی سووری فەلەستین راگەیاند، رووداوەکە لە گەڕەکی ئیرتاح لە باشووری شاری تولکەرمی کەرتی ڕۆژئاوای داگیرکراو رووی دا. دەستنیشان کرا، سوپای داگیرکەر بۆ ماوەیەک دەستی بە سەر تەرمی شەهیدەکەدا گرتووە و دواتر رادەستی کردووە.

بە پێی راگەیەندراوی سەرچاوەکانی خۆجێ، باڵەخانەیەک لە لایەن هێزەکانی داگیرکەر گەماڕۆ دراوە و دواتر تەقە لە باڵەخانەکە کراوە. لە ئەنجامی هێرشەکەدا گەنجێک بریندار بوو و لە لایەن داگیرکەران دەستبەسەر کرا. بەڵام دواتر زانرا کە گەنجەکە شەهید بووە.

گەنجێک بە ناوی مەحمود ئەمین ئەبو حەمادە خەلکی کەمپی نور شەمس کاتێک لە گەڕەکەکە بوو لە لایەن هێزەکانی داگیرکەر دەستبەسەر کرا.

باس لەوەش کراوە کە داگیرکەران وێڕای درێژەدان بە هێرشەکانیان بۆ سەر شاری تولکەرم و کەمپی ئاوارەکان، دەوریەی پێیان لە ناوچە جیاجیاکانی شارەکە و کەمپەکە داناوە و هەندێک ماڵیان کردووە بە خاڵی سەربازی و پێگەی قەناس بەدەستەکان و بەبێ جیاوازی تەقەیان لە هەر شتێک کردووە کە جووڵەی کرد.(İLKHA)